 ទីបំផុតក្រុមហ៊ុន Gameloft បានប្រកាសចេញលក់កំពូលហ្គេម Modern Combat 5: Blackout ហើយដែលវាគឺជាហ្គេមថ្មីបំផុតទើបនឹងប្រកាសចេញលក់នៅក្នុង App Store របស់ Apple និង Play Store របស់ Google នារយៈពេលប៉ុន្មានម៉ោងក្ដៅៗមុននេះប៉ុណ្ណោះ។ សម្រាប់ប្រិយមិត្តទាំងអស់ដែលកំពុងទន្ទឹងរង់ចាំលេងហ្គេមនេះ អ្នកអាចចូលទៅទិញហ្គេមនេះលេងនៅលើស្មាតហ្វូន និងថេប្លេតរបស់អ្នកបានហើយនៅក្នុងតម្លៃលក់ 6.99$ និងពុំមានទិញ iTems នៅក្នុងហ្គេមនេះឡើយ មានន័យថាបើអ្នកទិញហ្គេមនេះលេង គឺអ្នកអាចលេងដល់វគ្គបញ្ចប់បានពុំចាំបាច់ចំនាយសាច់ប្រាក់ផ្សេង ក្រៅពីនេះឡើយ។ |
|||||
របៀបលេងហ្គេម Modern Combat 5 គឺងាយស្រួលបំផុតដោយអ្នកតម្រូវអោយជ្រើសរើសកំពូលទាហានបាញ់ប្រហារ មានជំនាញប្លែកៗគ្នាចំនួន 4 នាក់គឺ Assault, Heavy, Recon និង Sniper ដែលសុទ្ធសឹងជាទាហានមានសមត្ថភាពប្លែកពីគ្នា និងមានរបៀបប្រយុទ្ធអស្ចារ្យរៀងៗខ្លួន។ អ្នកលេងហ្គេមនេះទាំងអស់នឹងត្រូវជួបប្រទះនឹងគ្រោះថ្នាក់ជាច្រើន នៅតាមវគ្គនីមួយៗដែលធានាថាប្លែកមិនដូច Modern Combat 4 ឡើយ រីឯក្រាហ្វិចរបស់ហ្គេមគឺគាន់តែស្រស់ស្អាតថែមមួយកម្រិតទៀត រួមជាមួយនឹងរបៀបលេងដូចទៅនឹងការលេងហ្គេមលើម៉ាស៊ីន (PS3/Xbox 360 និង PC) ផងដែរ ពិសេសវាបានរួមបញ្ចូលមកជាមួយនឹងឧបសគ្គប្លែកៗតម្រូវអោយយើងជិះ ឧទ្ធម្ភាគចក្រ ប្រើប្រាស់កាំភ្លើងយន្ត និងជាច្រើនទៀតដែលអ្នកអាចរីករាយជាមួយវាបាន។ |
|||||
ប្រសិនជាប្រិយមិត្តលេងហ្គេមនេះជាប្រភេទ Multiplayer វិញគឺតម្រូវអោយមានគ្នា 4 អ្នកធ្វើការប្រយុទ្ធតទល់នឹងក្រុមផ្សេងម្ខាងទៀត ញាំងអោយការប្រយុទ្ធកាន់តែសប្បាយរីករាយ ហើយចែករំលែកនៅតាមបណ្ដាញសង្គមបានទៀតផង។ ទាំងអស់នេះគឺមិនទាន់អស់នៅឡើយទេក្រុមការងារ Gameloft បានបញ្ជាក់ប្រាប់ទៀតថា Modern Combat 5 នឹងធ្វើការ Update ជាបន្តបន្ទាប់ ដោយត្រៀមធ្វើការបញ្ចូលមកជាមួយនឹងកម្មវិធីថ្មីៗសម្រាប់អតិថិជន របស់ខ្លួនកម្សាន្តសប្បាយជាមួយនឹងហ្គេមវគ្គ 5 នេះ។ |
|||||
បើអ្នកទាំងអស់គ្នាមានចំណាប់អារម្មណ៍ចង់លេងហ្គេមនេះអ្នកអាចទិញយកលេង បានក្នុងតម្លៃដូចខាងលើដោយចុចប៊ូតុងខាងក្រោមដើម្បីទៅកាន់ App/Play Store។ តែបើអ្នកគិតថាវាជាតម្លៃមួយថ្លៃអ្នកក៏អាច Download វាយកមកលេងតាមរយៈគេហទំព័រមួយចំនួនដោយសេរីមិនគិតប្រាក់អ្វី ទាំងអស់! |
|||||
|
|||||
| ទស្សនាវីដេអូលេងហ្គេម Modern Combat 5: Blackout ដូចខាងក្រោម៖ | |||||
| ប្រភព ៖ Click here to download free game all devices |
